.jpg)
ရေတွင်းတူးတဲ့ လူတစ်ယောက်ကို ကြည့်ပါ။ ရေတွင်းတူးတဲ့ လူတစ်ယောက်ဟာ ဗွေလှည့်လှည့်ပြီး တူးသွား လိုက်တာ တဖြည်းဖြည်းနဲ့ ဒီလူသည် နိမ့်သွားတာလား၊ မြင့်သွားတာလား။ "နိမ့်သွားတာပါဘုရား"
ဒီလိုနိမ့်သွားတာဟာ ကိုယ်လုပ်လို့လား၊ သူများလုပ်တာလား။ "ကိုယ့်ဖာသာ ကိုယ်လုပ်တာပါဘုရား"
ကိုယ့်ဘဝကိုလည်း ဒီအတိုင်းပဲတဲ့။ ဒကာကြီးတွေ ဒကာမကြီးတွေ သူများမြှင့်လို့ မရဘူး။ ကိုယ့်ဖာသာ ကိုယ်မြှင့်ရမယ်။ သူများနှိမ့်လို့လည်း။
"မရပါဘုရား"
ကိုယ့်ဖာသာကိုယ်နှိမ့်တာ၊ နောက်တစ်နည်း ဥပမာ တစ်ခုကွာတဲ့။ အုတ်ပုံပေါ်မှာ ထိုင်ပြီးတော့ အုတ်စီတဲ့လူတစ်ယောက်ကို ကြည့်ဦးတဲ့၊ တစ်ခါတည်းအုတ်ပုံပေါ် ဗွေလှည့်လှည့်ပြီး စီသွားလိုက်တာ တဖြည်းဖြည်းနဲ့ မြင့်သွားတာလား၊ နိမ့်သွားတာလား။
"မြှင့်သွားပါတယ်ဘုရား"
သူများမြင့်တာလား၊ ကိုယ့်ဟာကိုယ်မြင့်တာလား။
"ကိုယ့်ဟာကိုယ် မြင့်တာပါဘုရား"
ဘဝတစ်ခုဆိုတာ ဒကာကြီးတွေ ဒကာမကြီးတွေ၊ နိမ့်ကျအောင် သူတစ်ပါးက အပါယ်လေးပါးတွန်းချလို့ရတာမဟုတ်ပဲနဲ့။ အပါယ်လေးပါးကျအောင် သူများကလုပ်တာလား၊ ကိုယ်ကိုယ်တိုင်လုပ်တာလား။
"ကိုယ်ကိုယ်တိုင်လုပ်တာပါ ဘုရား"
နိဗ္ဗာန်ရောက်အောင် လုပ်တာလည်းပဲ သူများလုပ်ပေး လို့ရတာလား ကိုယ်ကိုယ်တိုင် အားထုတ်လို့ရတာလား။
"ကိုယ်ကိုယ်တိုင် အားထုတ်လို့ ရတာပါ ဘုရား"
ဘဝတစ်ခု နိမ့်တယ်မြင့်တယ်ဆိုတာ မိမိသာလျှင်ပဓာနပါ။ ဟုတ်ရဲ့လား။
"မှန်ပါဘုရား"
မိုးကုတ်ဆရာတော်ဘုရားကြီ:
............................................
အရှင်စန္ဒသာရ (ကျောင်းကုန်း) ရေးသားပြုစုထားသော -
"ကျေးဇူးတော်ရှင် မိုးကုတ်ဆရာတော်ဘုရားကြီ:၏ ဆုံးမစာ အမှတ် ( ၂ )"
(စာမျက်နှာ - ၁၇) စာအုပ် မှ ကူးယူဖော်ပြခြင်း ဖြစ်ပါသည်။
http://buddhismbeams.blogspot.com
0 comments:
Post a Comment